Taniqli kinorejissyor Stiven Spilbergning “Oʻzga sayyoralik” filmi uchun yasalgan mexanik model kimoshdi savdosida 2,56 million AQSh dollariga sotildi.
Auksion “Julien” kimoshdi savdo uyi va “Turner Classic Movies” kompaniyasi hamkorligida oʻtkazilgan boʻlib, oʻzga sayyoralik modeli ikki kun davom etgan kimoshdi savdosining eng qimmat lotiga aylangan.
Mexanik qoʻgʻirchoq 1981-yilda maxsus effektlar boʻyicha dizayner Karlo Rambaldi tomonidan yasalgan. Suratga olish ishlari vaqtida uni 12 nafar animator 85 ta sim yordamida harakatlantirgan. Ushbu model kino olamiga kompyuter grafikasi yordamida hosil qilinadigan effektlar kirib kelgunigacha boʻlgan davrning haqiqiy shedevrlaridan biri hisoblanadi.
Eslatib oʻtamiz, “Oʻzga sayyoralik” filmi Spilberg tomonidan 1982-yilda suratga olingan. Undagi bosh rollarni Genri Tomas va Dryu Berrimor ijro etgan. Film 4 ta nominatsiya boʻyicha “Oskar” mukofotiga munosib deb topilgan.
Tasodifiy xabarlar
"Uzuklar hukmdori:Qudrat uzuklari" seriali 2 mavsumi faslidan yangi rasmiy treyler
Aktyor Tom Holland gollivudni yoqtirmaydimi?
"Qashqirlar makoni" seriali aktyorlari hozirgi kunda (video)
Moana 2 multfilimi O'zbek tilida rasmiy treyler
Netflix Amir Temur haqida film suratga oladi!
Hakerlar haqidagi eng yaxshi filmlar O'zbek tilida (Video)