Amerikalik aktyor va Kaliforniya shtatining sobiq gubernatori Arnold Shvarsenegger yurak jarrohligi amaliyotini o‘tkazdi.
Avvalgi operatsiyalardan so‘ng yurak ichki qismida yuzaga kelgan chandiqlar yurak urishining buzilishiga olib keldi. Shu tufayli jarrohlar tomonidan aktyorga yangi kardiostimulyator o‘rnatildi.
Aslida Shvarsenegger shaxsiy hayoti va sog‘lig‘i haqidagi ma’lumotlarni muxlislar bilan baham ko‘rishni istamaydi, biroq aktyor yurak nuqsoni bilan tug‘ilgan boshqa ko‘plab insonlardan to‘xtovsiz savol va maktublar olgach, ularni qo‘llab-quvvatlash va bemorlarga umid baxsh etish uchun operatsiyasi haqida aytib o‘tishga qaror qildi:
“O‘tgan dushanba kuni men qisman mashinaga aylandim: yuragimni operatsiya qilishdi va kardiostimulyator o‘rnatishdi. Aytib o‘tish joizki, sog‘ligim haqida barchaga ma’lumot berish vatanim Avstriyada olgan tarbiyamga zid. U yerda insonlar ichki muammolari haqida oshkora so‘zlashmaydi”.
So‘ng Shvarsenegger muxlislarini xursand qilish uchun operatsiya muvaffaqiyatli o‘tgani va tez orada oyoqqa turishi haqida aytib o‘tdi:
“Avvalo shuni bilishingizni istardimki, hozirda o‘zimni ancha yaxshi his etyapman”.
Tasodifiy xabarlar
Shohruxxon "Muhlis"imisiz video sizni hayratga soladi
Aktyor Jeremi Renner operatsiya qilindi!
"Loki" seriali 2 - mavsumi o'rtasidi yana bir qaynoq treylerni tomosha qiling.
"Abdullajon" filmi aktyorlari hozir qanday ko'rinishda? (Video)
O‘zi ishtirok etgan filmni tomosha qilishni istamaydigan Gollivud yulduzlari
Asoka seriali suratga olish ishlari va kadr orti jarayoni (Video)