Ridli Skott rejissorligidagi “Gladiator-2” filmining suratga olish maydonchasida yong‘in sodir bo‘ldi va buning natijasida bir nechta ekipaj a’zosi jarohatlandi. Loyiha Marokashda suratga olinayotgan edi.
Voqea 7-iyun kuni sodir bo‘lgan. Ma’lumotlarga ko‘ra, olti kishiga tibbiy yordam ko‘rsatilgan, to‘rt nafari esa kuyish jarohati bilan kasalxonaga yotqizilgan. Paramount Studios vakilining aytishicha, yong‘indan jarohatlanganlarning ahvoli yaxshi va suratga olish ishlari davom etmoqda.
“Gladiator-2” filmi loyihaning birinchi qismi katta ekranlarga chiqqandan 25 yil o‘tib suratga olinmoqda. Ushbu kinokartina imperator Kommodning (Xoakin Feniks ijroda) jiyani Lusius ( filmda ushbu obrazni Pol Meskal gavdalantirgan) haqida hikoya qiladi. Filmda Denzel Vashington, Pedro Paskal va Jozef Kuin kabi aktyorlar ham ishtirok etgan. “Gladiator-2” filmining chiqarilishi 2024-yilning noyabriga rejalashtirilgan.
Tasodifiy xabarlar
UFC yulduzi Konor Makgregor o‘zini aktyorlikda sinab ko‘rdi
Kris Evans Kapitan Amerika obraziga qaytmoqchimi?
Kino yulduzlari haqida siz eshitmagan 10 ta fakt!
Tobey Maguayr "O'rgimchak odam" ro'liga qaytmoqchi
Joker 2: Ikki inson telbaligi filmidan yangi tizer-treyler
"Kalmar o'yini" 2 mavsum,fasli uchun rasmiy tizer