“Napoleon” tarixiy filmining treyleri taqdim etildi

Xoakin Feniks ijtimoiy tarmoqlarda treyleri paydo bo‘lgan “Napoleon” tarixiy filmida bosh rolni ijro etadi. Filmni bir nechta Gollivud blokbasterlari rejissyori Ridli Skott boshqaradi.

Ikki yarim daqiqa davom etadigan videoda Napoleon hukmronligining turli davrlarini qamrab oluvchi kadrlar namoyish etildi. Qayd etilishicha, kinoijodkorlar Napoleonning taxtga tezda o‘tirishi haqidagi hikoyani ko‘rsatmoqchi bo‘lishgan.

Film shu yilning 22 noyabr sanasida Apple TV+ striming xizmatida premyera qilinadi.