“Wednesday” yulduzi yana bir qo‘rqinchli filmda ko‘rinish berdi

Paramount kinokompaniyasi Jenna Ortega ishtirokidagi “Qichqiriq-6” filmi tizerini taqdim qildi.

Franshizaning oltinchi qismining birinchi videosida arvoh kostyumidagi bir nechta odam Nyu-York metrosi vagonida tasvirlanadi.

 “Millionlar shahrida sizning qichqirganingizni hech kim eshitmaydi”, deyiladi tizer treyleri tavsifida.

Kartina aktyorlari tarkibiga Melissa Barrera, Yasemin Savoy Braun va “Wednesday” filmi yulduzi Jenna Ortega kiradi. Shuningdek, loyihaga yana Ues Kreyvenning original filmi yulduzlari Kurteni Koks va rejissyorning so‘nggi filmi “Qichqiriq-4” filmida bosh rollarni ijro etgan Xeyden Panettier ham qaytishmoqda.

Filmning yangi qismi 2023-yil 10-mart kuni ekranlarga chiqadi.