"Flesh" rejissyori filmning muvaffaqiyatsizligi sababini aytdi

2023-yilda chiqarilgan “Flesh” filmi muvaffaqiyatsiz chiqqani haqida uning rejissyori Endi Musketti birinchi marta fikr bildirdi. Uning ta’kidlashicha, asosiy muammo filmning to‘rtta asosiy auditoriya sektorini — 25 yoshgacha va undan kattalar, erkaklar hamda ayollarni — birdek jalb qila olmaganida bo‘lgan.

Musketti intervyusida shunday dedi:

“Bu film barcha to‘rtta auditoriya kategoriyasiga birdek yoqadigan loyiha bo‘la olmadi. Agar siz film yaratish uchun 200 million dollar sarflasangiz, Warner Bros. hatto bu filmni bobongiz va buvingizni ham kinoteatrga olib keladigan darajada ommabop bo‘lishini xohlaydi.”

Shuningdek, u shuni qo‘shimcha qildiki, ko‘pchilik uchun Flesh obrazining o‘zi ahamiyatsiz bo‘lib qolgan:

“Odamlar Fleshga, uning xarakteriga ko‘pincha qiziqish bildirishmadi.”

Filmda bosh rolni Ezra Miller o‘ynadi, lekin “Flesh” filmi umumiy hisobda 271 million dollar daromad keltirdi, bu esa 200 million dollarlik byudjetni qoplash uchun yetarli bo‘lmadi. Shuningdek, tanqidchilarning film haqidagi fikrlari ham ijobiy bo‘lmadi, bu esa loyiha muvaffaqiyatsizligiga qo‘shimcha sabab bo‘ldi.