“Kalmar o‘yini ” seriali 2024-yilda dunyo bo‘ylab eng ko‘p ko‘rilgan serialga aylandi

“Kalmar o‘yini 2” serialining ikkinchi mavsumi o‘tgan yilning oxirida Netflix tomonidan namoyish etildi va tom ma’noda kino sanoatida katta shov-shuvga sabab bo‘ldi. Serial qisqa vaqt ichida barcha raqiblarini ortda qoldirdi, tomoshabinlar soni esa hanuz ortib bormoqda.

Televideniye, radio, kino va boshqa OAV auditoriyasini hisoblash bilan shug‘ullanuvchi xalqaro Nielsen kompaniyasi ma’lumotlariga ko‘ra, antiutopiyaning davomi 23—29-dekabr kunlari 4 milliard daqiqadan ko‘proq tomosha qilingan. Ya’ni, tomoshabinlar tomonidan bir haftalik ko‘rishlar vaqti to‘qqiz yilni tashkil qilgan.

“Kalmar o‘yini 2” ko‘rishlar vaqti bo‘yicha raqiblaridan ikki baravar ko‘p bo‘lsa-da, 23 dan 29 dekabrgacha yettita boshqa loyihalar bir milliard daqiqadan ko‘proq ko‘rilgan: “Qizil” filmi deyarli 2 milliard, “Qo‘l yuki” trilleri esa 1,5 milliard daqiqa tomosha qilingan.

Janubiy Koreyada suratga olingan mazkur serialning ikkinchi mavsumi 2024-yil 26-dekabr kuni Netflix’da taqdim etildi. Shou Rotten Tomatoes platformasida tanqidchilar tomonidan 83%, tomoshabinlar tomonidan esa 63% ijobiy baholandi.