Amerikalik aktyor Al Pachino to‘rtinchi marta ota bo‘ladi. Uning rafiqasi Nur Alfalla farzand kutmoqda. Bu haqda “Korrespondent.net” nashri xabar berdi.
Ma’lum bo‘lishicha, bu Gollivud yulduzining to‘rtinchi farzandi, uning rafiqasi Nur Afalla avvalroq Mik Jagger va milliarder Nikolas Berggruen bilan munosabatda bo‘lgan. Aktyorning rafiqasi esa ilk marta ona bo‘ladi.
Al Pachinoning sobiq rafiqalaridan uch nafar: aktyorlik sohasi bo‘yicha o‘qituvchi Yan Tarrant bilan turmushidan qizi Juli va aktrisa Beverli D’Anjelodan bilan turmushidan hozirda 22 yoshda bo‘lgan Oliviya va Anton ismli egizaklari bor.
Ma’lumot uchun, Al Pachino 1940-yilning 25-aprelida Nyu-Yorkda tug‘ilgan. Kino olamidagi debyutini 1969-yilda “Men, Natali” filmidagi ikkinchi darajali rol bilan boshlagan. Muvaffaqiyatli kino karyerasidan tashqari, Al Pachino mashhur teatr aktyori hisoblanadi. U 1969-yil va 1977-yillarda mashhur “Toni” teatr mukofotlari bilan taqdirlangan. Aktyor faoliyati davomida “Cho‘qintirgan ota”, “Amerika farishtalari”, “Guchchi uyi”, “Ikkinchi imkoniyat” filmlari va ko‘plab loyihalarda suratga tushgan.


Tasodifiy xabarlar
Jodugar 4 - mavsumi fasli yangi rasmiy treylerini tomosha qiling
Qora Pantera Boqiy Vakanda (Treyler)
May oyidagi premyeralar Disney+ 2024
Kalmar o'yini seriali O'zbek tilida haqiqiy hayotda
Supermen O'zbek tilida rasmiy treyler 2025
Google 2023 yil uchun eng ommabop qidiruvlar roʻyxatini eʼlon qildi