Maykl Keyn kino olamidagi hayotini yakunladi

Britaniyalik aktyor, ikki karra “Oskar” mukofoti sovrindori Maykl Keyn kinodagi faoliyatini yakunlagani va nafaqaga chiqqanini ma’lum qildi.

Keyn 90 yoshda. Uning so‘nggi filmi oktabr boshida premyerasi bo‘lgan “Buyuk qochoq” bo‘ldi. 70 yil davom etgan karerasi davomida Maykl Keyn 160 dan ortiq filmlarda suratga tushgan.

“Buyuk qochoq” filmida aktyor 2014-yilda Normand desantini xotirlash marosimlarida qatnashish uchun qariyalar uyidan qochib ketgan 89 yoshli Ikkinchi jahon urushi faxriysi rolini o‘ynaydi.