Koronavirus haqidagi O'zbek filmi namoyish qilinadi

Madaniyat vazirligi huzuridagi Kinematografiya agentligi hamda Sog‘liqni saqlash vazirligi hamkorligida “Yagona Cinema” studiyasi tomonidan yaratilgan “Pandemiya. COVID-19” badiiy filmining tizeri taqdim etildi.

Filmda 2020−2021-yillarda butun dunyoga, xususan O‘zbekiston aholisi hayotiga xavf solgan COVID-19 kasalligi va uning mamlakatdagi tibbiyot sohasiga ta’siri haqida hikoyat qilinadi.

Filmda bosh rolni Matyoqub Matchonov ijro etgan. Shuningdek, kartinada Tamara Mirmaqsudova, Aysanem Yusupova, Saidkomil Umarov, Farhod Abdullayev, Bahodir Musayevlar suratga tushgan.

Hozircha kinokartina premyerasi sanasi ma’lum emas. Lekin tez orada bu haqida ma'lumot berilishi kutilmoqda.