Chuqur va Ichkarida seriallari yulduzi Aras Bulut Iynemli hibsga olindi

Turkiyaning mashhur aktyori Aras Bulut İynemli Istanbuldagi narkotik moddalar bilan bog‘liq tergov doirasida qo‘lga olindi.

18-sentabr kuni o‘tkazilgan amaliyot davomida İynemli bilan birga aktrisa Melis Sezen, aktrisa Nilperi Sahinkaya, xonanda Sefo va sobiq futbolchi Hasan Sas kabi taniqli shaxslar ham qo‘lga olingani ma’lum qilindi.

Xabarlarga ko‘ra, jami 18 kishi bo‘yicha qo‘lga olish qarori chiqarilgan va ulardan 15 nafari qo‘lga olingan. Tergov davomida gumondorlardan biologik namunalar olinib, narkotik yoki psixotrop moddalar bilan bog‘liq holatlar tekshirilmoqda.

Hozircha tergov ishlari davom etmoqda. Qo‘lga olinganlik shaxslarning aybi isbotlanganini anglatmaydi. Yakuniy huquqiy baho tergov va sud jarayonlari natijasida beriladi.