Universal Pictures 2026-yilda $5 milliardlik marrani zabt etdi!

Universal Pictures 2026-yil davomida jahon prokatidan $5 milliarddan ortiq daromad olgan ilk Hollywood studiyasiga aylandi. Kompaniya bu natijaga sentabr oyining oxirida erishganini rasman ma’lum qildi.

Universal’ning umumiy natijasi $1,788 milliard — AQSh va Kanadadagi, yana $3,218 milliard — xalqaro bozorlardagi prokatdan shakllangan. Bu studiya tarixida bir yil ichida $5 milliardlik chegaradan uchinchi marta o‘tishdir. Avval Universal bunday natijaga 2015 va 2017-yillarda erishgan.

Studiyaning rekord natijasiga bir nechta yirik filmlar katta hissa qo‘shdi. «Odisseya» dunyo bo‘ylab $1,7 milliarddan ortiq daromad bilan Universal tarixidagi eng yuqori kassa yig‘gan filmga aylandi.

Shuningdek, «Maykl» va «Super Mario 2: Galaktika» ham jahon prokatida $1 milliarddan oshdi. Shu tariqa 2026-yilda $1 milliardlik marrani zabt etgan beshta filmdan uchtasi Universal tomonidan chiqarilgan.

Universal’ning boshqa muvaffaqiyatli loyihalari qatorida «Minionlar va Mahluqlar» va «Obsessiya» ham bor. Xususan, «Obsessiya» Focus Features tarixidagi eng yuqori kassa yig‘gan filmga aylangan.

Natija Universal uchun nafaqat studiyaning navbatdagi rekord ko‘rsatkichi, balki 2026-yilda kinoteatrlardagi yirik loyihalarga bo‘lgan qiziqish yuqori ekanini ko‘rsatuvchi muhim ko‘rsatkichlardan biri bo‘ldi.