"Kalmar o'yini" 2 mavsum,fasl haqida aktyor nimalar dedi?

Mashhur “Kalmar o’yini” serialining ikkinchi mavsumi o’zgacha bo’lishi kutilmoqda. Qayd etilishicha, aktyorlar tarkibi o’zgarmaydi, biroq ularning safiga yangi chehralar qo‘shiladi.

Serialning bosh qahramoni, Song Ki Xun rolini ijro etgan Li Jung Chje loyiha haqida qisqacha gapirib o’tdi. Aktyor ikkinchi mavsumning ssenariy tafsilotlarini bilishni istamasligini va bunday suhbatlardan qochishini aytdi.

“Men rejissyorga hech qanday savol bermaslikka harakat qilaman. Chunki kuchli his-tuyg‘uni serialda yetkaza olishim uchun qoyilmaqom ssenariyni suratga olish ishlaridan oldin o’qishim kerak”, – deydi aktyor.

Shuningdek, Li Jung Chje serialdagi o’yinlarning o’ziga xosligi va chiroyli belgilar birinchi mavsumning muvaffaqiyatiga sabab bo’lgan muhim omil ekanligini aytdi.

"Kalmar o'yini" serial 2-mavsum suratga olish ishlari shu yil yozda boshlanadi. Bundan kelib chiqadiki premyera katta ehtimol bilan 2024-yilda bo'ladi.