Taniqli qo‘shiqchi va aktrisa Ledi Gaga Warner Bros. hamda DC studiyalari bilan muzokaralar olib bormoqda. U “Joker” filmining “O‘zaro telbalik” nomli ikkinchi qismida rol o‘ynashi mumkin, deb xabar beriladi"
Manbalarning tasdiqlashicha, ikkinchi filmning janri myuzikl bo‘lishi mumkin. Avvalroq sikvel suratga olinishini rejissor Todd Filips e’lon qilgandi. Joker roliga Xoakin Feniks qaytishi kutilmoqda.
Gaga aynan qaysi rolni ijro etishi hozircha oshkor etilmagan. Bu Xarli Kvinn yoki komiksga bog‘liq bo‘lmagan alohida personaj ham bo‘lishi mumkin.
Filips ssenariyni Skott Silver (“Jangchi” filmi) bilan birgalikda yozgan. Sujet detallari va suratga olish ishlari qachon boshlanishi noma’lum. O‘tgan yili Ledi Gaga “Guchchi uyi” kriminal dramasida bosh rolni ijro etgandi. Shuningdek, u 2019-yilda “Yulduz tug‘ildi” kartinasi uchun “Oskar”ni qo‘lga kiritgan.
Tasodifiy xabarlar
Eng qo'rqinchili filmlar ujas kinolar Top - 6
Marvel komikslari rassomi Jon Romita vafot etdi
Jeyms Kemeron "Terminator" davomini suratga olmoqchi
Aktyor Li Jon Je Kalmar o'yini seriali yakuniy mavsumdagi chaqaloq sahnasining mohiyatini tushuntirib berdi
"Taxi" filmi aktyorlari xozir qanday ko'rinishda?
Bollivud yulduzi Shoxruxxoning ijro etgan salbiy obrazlari haqida bi'lasizmi?