Oʻzbek kinosi Hindistondagi festivalda “Eng yaxshi film” deb topildi

Madaniyat vazirligi huzuridagi Kinematografiya agentligi buyurtmasiga binoan suratga olingan “Yakshanba” filmi Hindistonning “Bengaluru International Film Festival”ida “Eng yaxshi film” deb topildi. Bu haqda Madaniyat vazirligi matbuot xizmati xabar berdi.

Filmda oilaviy dramada chekka qishloqda tinch-totuv hayot kechirayotgan chol va kampirning farzandlari bilan munosabatlari aks etgan. To‘ng‘ich o‘g‘il ota-onasiga yaqin joyda, kenjasi esa boshqa davlatda ishlaydi. Film ikki avlod o‘rtasidagi ziddiyatlar haqida hikoya qiladi.