Joker, Forsaj, Shazam va boshqa sevimli filmlarimiz yangi qismlari!

Ko‘pchilik sevimli filmlarini qayta-qayta tomosha qilishni yaxshi ko‘radi, hatto barcha sahnalarni yoddan bilsa ham. Ular uchun ushbu filmlarning davomi ekranga chiqishi haqidagi xabar yurakni to‘lqinlantirib yuboradi. Tez orada bir nenchta sevimli filmlaringizni davomini tomosha qilish imkoniyatiga ega bo‘lasiz.

Premyera: 2023-yil.

“Uddalab bo‘lmas topshiriq 7 ”

Tom Kruz o‘ynagan agent Itan Xant haqidagi josuslik trillerlari seriyasi tez orada nihoyasiga yetadi. Biroq bizni bir vaqtning o‘zida “Imkonsiz topshiriq: Xavfli hisob-kitob” deb nomlangan yakuniy filmning 2-qismi kutmoqda.

Birinchi qism 1996-yilda chiqarilgan va katta shuhrat qozongan, shu jumladan saundtrek tufayli ham. Rejissorning so‘zlariga ko‘ra, filmning davomi shu qadar esda qolarli bo‘ladiki, u filmning qolgan qismlarini ortda qoldiradi.

Premyera: 2024-yil

“Dedpul”

Hyu Jekmanning eng mashhur qahramonlaridan biri Rosomaxa — superqahramonlar janridagi “Dedpul” filmining 3-qismida paydo bo‘ladi. Avvalgi filmlardagi kabi bosh rolni Rayan Reynolds ijro etadi. Ssenariy muallifi Rett Riz va Pol Vernik, rejissor Shon Levi (“Odam loyihasi”).

Dedpulning sevgilisi Vanessa ekranga qaytishi haqida takliflar ham bor. Ammo Xork rolini o‘ynagan aktyor Ti Jey Millerning loyihada ishtirok etishi dargumon, chunki uning o‘zi: “Men filmning davomini suratga olmaslikni afzal ko‘raman”, — degandi.

“Malikaning kundaligi”

Tez orada 2001-yilda Enn Xeteuey o‘zining kino karyerasini boshlagan “Malikaning kundaligi” filmining 3-qismi chiqadi. To‘satdan o‘zining kichik bir mamlakat malikasi ekanligini bilib qolgan Mia ismli qiz to‘g‘risidagi hikoyaning davomi haqidagi mish-mishlar ko‘p yillardan buyon aylanib yuribdi.

Hozircha sujet tafsilotlari noma’lum, ammo kartina eski filmning yangi aktyorlar bilan qayta ishlangani emas, balki davomi bo‘lishi va’da qilinmoqda. Enn Xeteuey sikvelda rol o‘ynash istagi haqida hech gapirmagan. Balki 2-qismda Mianing sevgilisi rolini o‘ynagan Kris Paynni ham ko‘rarmiz.

Premyera: 2024-yilning 2-yarmi.

“Konstantin: Zulmat hukmdori”

“Konstantin 2” qachon chiqishi hozircha noma'lum, ammo 2005-yilda chiqarilgan 1-qismdagi kabi Kianu Rivz yana unda asosiy rolni o‘ynaydi. Jon Konstantin g‘ayritabiiy kuchga ega bo‘lgan odam bo‘lib, iblislarni ovlaydi, keyin ularni do‘zaxga qaytaradi.

“Men yana Jon Konstantinni o‘ynashni xohlagandim, bu obrazni yaxshi ko‘raman”, — deydi Kianu. Ssenariy muallifi Akiva Goldsman (“Tafakkur o‘yinlari”, “Da Vinchi kodi), rejissor Frensis Lourens.

Premyera: 2024-yil 8-noyabr.

“Tig‘iz vaqt” 

Dastlabki uchta filmning yulduzi Jeki Chan “Tig‘iz vaqt” jangovar komediyasining 4-qismida inspektor Li rolini o‘ynashga qiziqmayotganini tan oldi. Kris Teker esa ssenariyga qaramay, aktyorlar safiga qo‘shildi. Biroq sujet haqida hali hech narsa ma'lum emas.

Premyera: 2023-yil iyul (1-qism), 2024-yil iyun (2-qism)

“Shazam!”

Voyaga yetgach, superqahramonga aylanishi mumkin bo‘lgan bolalar uyidagi Billining hikoyasi “Shazam! Mabudlar g‘azabi” nomi bilan davom etadigan bo‘ldi. Bosh qahramon yana Zakari Livay.

Serial davomida Shazam Xelen Mirren va Lyusi Liu rolini o‘ynaydigan yovuz qahramonlar Gespera va Kalipso bilan kurashishi kerak bo‘ladi.

Premyera: 2023-yil mart.

“Forsaj”

“Forsaj 10” filmini suratga olish 2014 yildan beri rejalashtirilgan, ehtimol, u franshizaning so‘nggi qismiga aylanar. Tez orada poygachi Dominik Torettoning hikoyasi mantiqiy xulosaga keladi. Filmda Vin Dizel, Mishel Rodriges, Sharliz Teron, Xelen Mirren kabi yulduzlar ishtirok etadi.

Premyera: 2024-yil fevral

“Joker”

Birinchi kartina premyerasidan so‘ng, kinokompaniya vakillari “Joker”ni mustaqil film sifatida tasavvur qilganliklarini, ammo keyinroq fikrlarini o‘zgartirishganini ma’lum qilgan. “Joker: ikki kishilik telbalik” nomi bilan chiqadigan sikvelda Xoakin Feniks Ledi Gaga bilan qaytishi ma’lum qilindi.

Xonanda Jokerning yordamchisi va sevgilisi Xarli Kuinn rolini ijro etadi. Ma’lum qilinishicha, yangi kartina myuzikl janrida bo‘ladi.