Bugungi kunga kelib mashhur “Kung-fu panda” franshizasining barcha qismlari umumiy hisobda jahon kino prokatida ikki milliard dollardan ko‘proq daromad olishga muvaffaq bo‘ldi. Bunday darajaga yetishga multfilmning to‘rtinchi qismi namoyish etilishi sabab bo‘ldi.
“Kung-fu panda”ning birinchi qismi 2008-yilda namoyish etilib, 632 million dollar daromad olib kelgan. Ikkinchi qism esa uch yil o‘tib, 2011-yilda chiqdi va 665,6 million dollar olib keldi. Uchinchi multfilm 2016-yilda kamroq daromad keltirdi – 521 million dollar.
“Kung-fu panda 4” franshizasi namoyishining ilk kunlaridayoq 58,3 million dollar daromad keltirdi va Amerika kinoprokatida birinchi o‘rinni egalladi. Uning premyerasi 2024-yil 8-mart kuni bo‘lib o‘tdi va multfilm bir vaqtning o‘zida AQSHning 4035 ta kinoteatrida debyut qildi. Uning reytingi Cinema Score bo‘yicha A darajaga yetdi.
Multfilm syujeti yangi sayohatga chiqqan panda Po haqida hikoya qiladi. Qahramon endi Tinchlik vodiysini boshqaradi va ajdar jangchisi lavozimiga voris tanlashi kerak bo‘ladi. Shu bilan birga, Po o‘tmishdagi yovuzlarni jonlantiradigan makkor buqalamunga duch keladi.
Tasodifiy xabarlar
Momaqaldiroqlar yangi jangari filmdan qaynoq rasmiy treyler
Hayot sinovlariga yengilmaslikni o'rgatuvchi filmlar
"Avatar: Aang afsonasi" serialidan yangi rasmiy treyler
Netflix "Kulrang odam-2" filmini suratga oladi!
Aktyor Jerar Depardye zo'ravonlikda ayblanmoqda
“Bola va qarqara” filmi AQSh prokatida birinchi o‘rinni egallagan tarixdagi ilk anime bo‘ldi