Gollivud aktyori Kris Hemsvort Shon-sharaf xiyobonida o‘z yulduziga ega bo‘ldi

Gollivudning Shon sharaf xiyobonida 40 yoshli mashhur aktyor Kris Hemsvort o‘z yulduziga ega bo‘ldi.

Uni qo‘llab-quvvatlash uchun taqdirlash marosimiga ota-onasi Kreyg va Leoni, rafiqasi Elza Pataki, shuningdek, farzandlari — 12 yoshli qizi va 10 yoshli egizak o‘g‘illari Tristan va Sasha kelgan. Marosimda aktyorning do‘sti kichik Robert Dauni ham ishtirok etgan. 

Robert Dauni taqdirlash marosimi oldidan “superqahramonlar” jamoasining har bir a’zosidan Kris Hemsvortga bo‘lgan munosabatini so‘rab chiqqan. “Temir odam” o‘z intervyusi natijalarini taqdirlash marosimi paytida e’lon qilgan. 

Men “Qasoskorlar” filmidagi hamkasblarimga Kris Hemsvort ular uchun kimligini so‘rab, murojaat qildim. Mark Ruffalo uni eng yaxshi hamkasb deb, Kapitan Amerika esa uni “eng yaxshi ikkinchi Kris” deb atadi, — deydi Robert.