"Ajal rejasi 6: Qon" filmi birinchi rasmiy treyleri Пункт назначения 6

2025-02-04 21:20 6 118

"Ajal rejasi 6: Qon aloqalari " (Final Destination: Bloodlines) – amerikalik rejissyorlar Zak Lipovski va Adam B. Stein tomonidan suratga olingan, 2025-yilda chiqishi rejalashtirilgan qo‘rqinchli film. Bu mashhur "Ajal rejasi" franshizasining oltinchi qismi bo‘lib, avvalgi filmlardan 14 yil o‘tib, ya’ni 2011-yildagi "Ajal rejasi 5" dan keyingi ilk yangi qismdir.

Film syujeti haqida batafsil ma’lumotlar hozircha oshkor qilinmagan. Biroq, oldingi qismlardagi kabi, bu filmda ham qahramonlar o‘limdan qochishga urinishi va oxir-oqibat taqdirdan qochib qutula olmasligi aks etishi kutilmoqda. Shu bilan birga, bu safar voqealar tezkor xizmat vakillari – shifokorlar, politsiyachilar va o‘t o‘chiruvchilar orasida sodir bo‘lishi mumkinligi haqida xabarlar bor.

Film 2025-yil 16-may kuni katta ekranlarga chiqishi rejalashtirilgan. Warner Bros. va New Line Cinema studiyalari tomonidan ishlab chiqarilmoqda. Quyida filmning birinchi rasmiy treylerini tomosha qilishingiz mumkin.