Gollivud aktyori Tom Holland GamesRadar nashriga bergan intervyusida yangi “O‘rgimchak odam: mutlaq yangi kun” filmi haqida batafsil ma’lumot berdi. U avvalgi filmlarga nisbatan suratga olish jarayoniga qanday o‘zgartirishlar kiritilishini so‘zlab berdi.
Aktyorning aytishicha, COVID-19 pandemiyasi tufayli yopiq pavilyonlarda suratga olingan “O‘rgimchak odam: uyga yo‘l yo‘q” filmidan farqli ravishda, yangi qismda ko‘plab sahnalar ochiq havoda, shahar ko‘chalarida tasvirga olinadi.
“Men franshizaga qaytganimdan nihoyatda xursandman. O‘rgimchak odam rolini ijro etish bu eski do‘sting bilan yana uchrashishdek go‘yo. Oxirgi filmda biz pandemiya sabab ancha cheklovlarga duch kelgan edik. Hammasi maxsus yopiq maydonlarda suratga olingandi. Endi esa biz klassik kinotasvirga qaytamiz va haqiqiy joylarda ishlaymiz. Shu bois suratga olishni avvalo Glazgoda boshlaymiz”, deya o‘rtoqlashdi Holland.
Filmni suratga olish ishlari joriy yil avgust oyida boshlanadi. Unga Destin Deniyel Kretton rejissyorlik qiladi — u ilgari “Shang-Chi” filmi orqali tanilgan. Filmda Holland bilan birga Zendaya (MJ) va Jeykob Batalon (Ned) qaytadi. “O‘rgimchak odam: mutlaq yangi kun” filmi 2026-yil 31-iyulda katta ekranlarga chiqishi rejalashtirilgan. Bu Marvel kinematografiya olamining oltinchi bosqichidagi yirik loyihalardan biri bo‘ladi.
Tasodifiy xabarlar
"Transformerlar 7: Yirtqich botlar yuksalishi" film tizer
“Karib dengizi qaroqchilari” filmi aktyori qamoqqa olindi
O'zbek qizi filmi O'zbechka yilning eng yaxshi filmi deb topildi
Baxtli Gilmor 2 filmi yangi rasmiy treylerinj tomosha qiling
Yangi “Formula 1” filmining rejissyori Jozef Kosinski suratga olish jarayonidagi eng xavfli va dahshatli lahzani yodga oldi.
Momaqaldiroqlar filmi O'zbek tilida treyler tahlili