"Kliff Butning sarguzashtlari " fılmidan yangi treyler namoyish qilindi

Netflix Kventin Tarantinoning mashhur «Bir paytlar... Gollivudda» filmi olamidagi yangi film — «Klliff Butning keyingi sarguzashtlari» filmining rasmiy treylerini taqdim etdi. Film 23-dekabr kuni Netflix’da namoyish etiladi.

Loyihaga rejissyorlikni Devid Fincher amalga oshirgan, Kventin Tarantino esa film ssenariysini yozgan.

Voqealar 1977-yilda, Gollivud butunlay o‘zgarib borayotgan davrda kechadi. Bosh qahramon — Bred Pitt ijrosidagi kaskadyor Kliff But. U murakkab tryuklarni bajarishdan tashqari, turli muammolarni, hatto jinoiy tusdagi masalalarni ham hal qilish qobiliyati bilan tanilgan.

Kliff But mashhur teleaktyor Charli Piters (Skott Kaan)dan taklif oladi. Biroq ko‘p o‘tmay, u o‘zini xavfli voqealar girdobida topadi.

Filmda, shuningdek, Elizabet Debicki, Yahya Abdul-Matin II, Karla Gugino va boshqa aktyorlar suratga tushgan.

Premyera: 23-dekabr — Netflix

IMAX namoyishi: 25-noyabrdan

PREMYERAGA QOLGAN VAQT: 2026-12-23