«O‘rgimchak odam: Yangi kun» filmi daromadi 2,5 milliard dollardan oshdi

2026-10-06 00:47 22

«O‘rgimchak odam: Yangi kun» («Spider-Man: Brand New Day») filmining jahon prokatidagi umumiy daromadi 2,5 milliard dollardan oshdi. Shu tariqa film kino tarixidagi eng yuqori kassa natijalariga ega loyihalar orasida uchinchi o‘ringa ko‘tarildi. Undan yuqorida faqat «Qasoskorlar: Intoho» filmi va birinchi «Avatar» filmi bor.

Film AQSh prokatidan 954 million dollar, xalqaro bozorlardan esa 1,55 milliard dollar daromad olgan. Hozirgi hisob-kitoblarga ko‘ra, umumiy tushum 2,505 milliard dollarni tashkil etmoqda. Rossiyada ham parallel prokatda namoyish etilgan film 2 milliard rubldan ortiq mablag‘ yig‘ishga muvaffaq bo‘lgan.

Tom Holland bosh rolni ijro etgan franshizaning to‘rtinchi qismida Piter Parker yangi va nihoyatda kuchli raqibga qarshi kurashadi. Filmda, shuningdek, Zendaya, Sadi Sink, Jon Bernthal, Mark Ruffalo va boshqa aktyorlar ishtirok etgan.

«O‘rgimchak odam: Yangi kun»ning raqamli platformalardagi relizi 6-oktabrga belgilangan. Film rejissyori — «Shang-Chi va O‘n uzuk afsonasi» bilan tanilgan Destin Daniel Kretton.

2026-10-06 00:47 22