"Kalmar o'yini" filmidan so'ng Janubiy Koreya seriallar uchun juda katta mablag' ajratdi

Janubiy Koreya hukumati “Kalmar oʻyini” serialining olamshumul muvaffaqiyatidan soʻng seriallar ishlashga koʻproq mablagʻ ajratish qaroriga keldi. Mamlakatning Madaniyat, sport va turizm vazirligi 2023-yilda 18 ta loyiha uchun 30 million dollar ajratishni rejalashtirgan.

Kelgusi yilning mart oyida Janubiy Koreya hukumati striming servislarida yosh boʻyicha cheklovlar kiritishni nazorat qiluvchi tizimni ishga tushiradi. Seul rasmiylari ushbu tizim shiddat bilan oʻzgarayotgan mediamaydon yangiliklariga tayyor turish uchun imkon beradi deya hisoblamoqdalar.

“Koreys madaniy kontenti mamlakat eksportidagi yangi yetakchiga aylandi. Biz kelgusi 5 yil ichida bu turdagi kontent eksport bozoridagi oʻyin qoidalarini oʻzgartirishi, imkoniyatlardan foydalanishi va inqiroz omillarini yengib oʻtishi uchun aniq strategiyalar ishlab chiqdik”, – deydi Janubiy Koreya Madaniyat vaziri Chon Ben Gin.