"Avatar 2: Suv Yo'li" filmi kassa yig'imi 2 milliardga yaqinlashdi!

"Avatar-2: Suv yo‘li” ilmiy-fantastik filmi dunyo bo‘ylab 1,92 milliard dollardan ortiq daromad keltirdi. Shunday qilib, ikki milliard chegarani kesib o‘tish istiqboli, shuningdek, ilgari e’lon qilingan bir nechta seriyalarni ishlab chiqarish haqiqatga aylandi. Bundan tashqari film "O'rgimchak odam: Uyga yo'l yo'q" filmini kassa yig'imi bo'yicha ortda qoldirib, eng ko'p daromad ko'rgan filmlar bo'yicha oltinchi o'rinni egallab turibdi!

Rejissyor Jeyms Kemeron kelajakda tomoshabinlarni olovga sig‘inadigan aborigen qabilalari bilan tanishtirish niyatida ekanligini tasdiqladi. “Critics Choice Awards” marosimida ishtirok etar ekan, u olov mavzusidagi “Avatar 3” filmidan muxlislar nimani kutishlari mumkinligi haqida ba'zi fikrlari bilan o'rtoqlashdi .

“Filmda yong‘in ramziy maqsadni ko‘zlaydi va aynan shu kontseptsiya atrofida qurilgan madaniyat bor. Hozircha bu haqda aytishim mumkin. Keyingi filmda siz ikkita mutlaqo yangi madaniyat bilan tanishasiz” - deya izoh berdi rejissyor.