Oʻzbekistonlik charm-qoʻlqop ustasi Bahodir Jalolovning Tokio-2020 olimpiadasidagi gʻalabasi haqida “Yengilmas. Tokioga yoʻl” nomli film suratga olinadi.
“Rio-2016 Olimpiadasidagi muvaffaqiyatsizligidan soʻng bokschi Bahodir Jalolov qisman boksdan chetlashtiriladi. Ammo murabbiylar sportchini terma jamoaga qaytarishga muvaffaq boʻlishadi.
Bahodir yana mashgʻulotlarga kirishadi va qisqa vaqt ichida bir qancha muhim turnirlarda gʻalaba qozonib, nafaqat Osiyo, balki jahon chempioni boʻladi.
Shuningdek, filmda anti qahramonlar ham bor: turnir hayʼatiga bir amaldor keyingi Olimpiadada amerikaliklarning gʻalabasini taʼminlash topshirigʻini beradi.
Tokio Olimpiadasida Oʻzbekiston terma jamoasidan faqat Bahodir finalga yoʻl oladi, u yerda amerikalik Torres bilan yuzlashadi. Turnir hayʼati rejasiga koʻra, u koʻr-koʻrona amerikalikka magʻlub boʻlishi kerak edi. Ammo soʻnggi lahzada makkorona reja barbod boʻladi – Bahodir Olimpiada chempioniga aylanadi.
Loyihaga 300 ga yaqin mahalliy va xorijiy aktyorlar jalb etiladi. Tasvirga olish ishlari Toshkent, Surxondaryo, Tokio, Nyu-Yorkda olib boriladi”, – deyiladi AOKAning Surxondaryo hududiy boshqarmasi rasmiy xabarida.
Tasodifiy xabarlar
"Nosferatu" yilning eng yaxshi qo'rqinchli filmi bo'ladimi?
"Marvel" kino olamining 5 - fazasi haqidagi ma'lumotlar
"Kelajakka qaytib" filmi aktyorlari yana uchrashishdi
"Wednesday" seriali bosh qahramoni 2022 yilning eng sevimli aktrisasi!
“Kalmar o'yini" dagi aktyor jinsiy zo‘ravonlikda aybdor deb topildi
Maykl Jekson kiygan paypoq auksionda yuqori narxda sotildi