Zulfiqor Musoqov asl ismi – Jamol Musoqov. 1958-yil, 19-yanvarda Toshkent viloyatining Olmaliq shaharchasida tavallud topgan.
Zulfiqor Musoqov taniqli kinorejissyor va ssenarist, o‘z rejissyorlik faoliyatini 1989-yildan boshlagan. Zulfiqor Musoqov o‘zining “Abdullajon”, “Bomba”, “Yaratganga shukur”, “Kichkina tabib”, “Oyijon”, “Osmondagi bolalar – 1-2-3”, “Vatan”, “Qo‘rg‘oshin”, “Qovun”, “Xazonrezgi”, “Novda”, “Dadam betob” kabi filmlari va “Ayol zoti” teleseriali bilan muxlislar qalbidan chuqur joy olgan.
Ijodkor filmlari xalqchilligi bilan ajralib turadi. Rejissyorning “Vatan” filmi 2007-yilda Malayziyada o‘tkazilgan 50-Xalqaro kinofestivalda “Osiyoning eng yaxshi filmi” nominatsiyasiga daʼvogarlik qilgan.
2011-yilda rejissyor suratga olgan “Qo‘rg‘oshin” badiiy filmi Rossiyada bo‘lib o‘tgan “Kinoshok” Xalqaro kinofestivalida qatnashib, “Eng yaxshi ssenariy” nominatsiyasi sovrindori bo‘lgan.
Zulfiqor Musoqov 2003-yilda “Mehnat shuhrati” ordeni, 2006-yilda “O‘zbekistonda xizmat ko‘rsatgan sanʼat arbobi” unvoniga sazovor bo‘lgan.
Tasodifiy xabarlar
Dedpul va Rosamaxa Qasoskorlarga yordam beradimi? (Video)
Xitoyda sun’iy intellekt tomonidan yaratilgan multserial namoyishi boshlandi
"Modda" yangi qo'rqinchili film rasmiy treyleri
"Gunohkorlar" filmidan yangi rasmiy treylerni tomosha qiling
"Megamiyya" animatsion serialidan yangi rasmiy treyler (Video)
"Shafqatsiz aylana" yangi detektiv serial treyleri