Bollivud qiroli Shoxruhxon bir nechta film bilan qaytadi

Shohrux Xon 2018-yildan beri katta ekranlarda bosh rol bilan ko‘rinmaydi. 2023-yilda aktyor ishtirok etgan uchta loyiha uning katta qaytishini belgilaydi.

 Agar “Brahmastra birinchi qism: Shiva” filmini kinoteatrlarda ko‘rgan bo‘lsangiz, Amitabh Bachchan, Ranbir Kapur, Alia Bhatt va Nagarjuna ishtirok etgan filmdagi eng katta olqishlar faqatgina Shohrux Xonga bo‘lganini ko‘rgandirsiz.

Uning qahramoni Moxan Bhargava Vanarastraning qudratidan foydalanganda paydo bo‘lgan hayqiriq va hushtaklar kino zallarini to‘ldirib yubordi. Tomoshabinlar uchun aktyorni bosh rolda to‘rt yil davomida ko‘rmagani muhim emas. “Garri Sejal bilan uchrashganda” va “Nol” filmlarining muvaffaqiyatsizliklarini endi hech kim eslamaydi ham.

 Nihoyat, u ekranlarga qaytdi: Shohrux Xon o‘ttiz yil davomida tomoshabinlarni qiziqtirgan va barchani o‘ziga rom etgan insondir. Uning Brahmastradagi maxsus chiqishi ortidan yozgan tvitlaridan birida shunday deyilgan: “Shohruxga Bollivud kerak emas. Bollivudga Shohrux kerak”.

Bu yil boshida ekranlarga chiqqan “Pathan” barcha rekordlarni yangilagani ajablanarli emas. Ushbu loyihani boshidanoq o‘rab olgan shov-shuvlar katta daromadga olib keldi. Tomoshabin haqiqatan ham Shohga chanqoq edi.

Oldinda aktyor ishtirok etgan yana ikkita film bor — Rajkumar Xirani rejissorligidagi “Dunki” va Atli Kumar rejissorligidagi “Askar”.

Dunyoning eng mashhur yulduzlaridan biri sanalgan Shohrux Xon 30 yil davomida tomoshabinlar qalbini zabt etib kelmoqda. U 1992-yilda Nyu-Dehlidan noma'lum televideniye aktyori sifatida Mumbayga ko‘chib o‘tganida “Telba ishq” melodramasida debyut qiladi va ko‘plab mukofotlarni qo‘lga kiritadi.

Uning professional yo‘li yillar o‘tgan sayin “Qo‘rquvdagi hayot”, “O‘lim bilan o‘ynash”, “O‘g‘irlanmagan kelin”, “Telba yurak”, “Devdas”, “Vir va Zara”, “Om Shanti Om”, “Don”, “Chennay Express” kabi filmlar bilan yanada kuchaydi.

Shohrux bilan “Qadrli hayot” filmida ishlagan rejissor Gauri Shinde uni zamondoshlaridan ajratib turadigan tug‘ma fazilatga ega, deb hisoblaydi. “U nafaqat ajoyib aktyor, balki jozibali shaxs. Uning aktyorlikka bo‘lgan ishtiyoqi, iliqligi va sevgisi — bular alohida mavzu. U mashhur yulduz bo‘lsa-da, kamtarligi va rejissor qarashlariga bo‘ysunishi, filmga va ijodkorlarga bo‘lgan ishonchi, o‘zini-o‘zi takomillashtirishga doimo intilishi o‘ziga xosdir”, deydi u.

Aynan mana shu ta’riflash qiyin bo‘lgan fazilat Shohrux va uning hamkasblarini o‘ziga tortadi. Yaqinda bergan intervyusida uning “Dunki”dagi hamkasbi Taapsi Pannu suratga olish paytida Xon atrofida muxlisdek harakat qilmaslik unga qiyin ekanligini aytdi.

Har qanday Bollivud aktyori uchun bir-ikkita filmlar omadsizlikka olib kelishi mumkin. Biroq soha mutaxassislari Shoh muvaffaqiyat va muvaffaqiyatsizlikdan tashqarida, deb hisoblashadi. Prodyuser va kino biznesi eksperti Girish Joharning aytishicha, Xon Bollivuddagi 30 yillik faoliyati davomida har xil ko‘ngilsizliklarni boshdan kechirgan.

“Nol” va “Garri Sejalni uchratganda” kabi filmlar muxlislarining umidlarini oqlamagan bo‘lishi mumkin, ammo Shohrux aktyor sifatida filmga yangi narsalarni olib kirishga harakat qilgan. Uning “Raketachi”, “Lal Singx Chaddha” va ayniqsa “Brahmastra”dagi personajlariga ijobiy munosabat bildirgan holda, tahlilchilar aktyorni qanchalik sog‘inishganini va uni katta ekranda ko‘rishni kutishayotganini tushunishdi.

Darhaqiqat, uning “Brahmastra”dagi qahramoni shu qadar shov-shuvga sabab bo‘ldiki, muxlislar uning personaji o‘zgarishi uchun onlayn petitsiya boshlashdi va ijodkorlar ularning iltimosini inobatga olishiga umid qilishmoqda.

Pathan” chiqqanida esa kinoteatrlarda haqiqiy eyforiya hukm surdi. “Ishonchim komilki, Shohruxning keyingi filmlari kassada yaxshi natijalarga erishadi, chunki deyarli hamma narsa uning foydasiga ishlaydi. “Pathan”ga “Urush” filmi rejissori Siddhart Anand rejissorlik qildi. U masshtab va ekshnni yaxshi tushunadi. Odamlar kinoteatrlarga aynan shu maqsadda borgan.

Shunday ekan, 2023-yil Shohrux Xonning kassadagi yili bo‘lishiga ishonchim komil”, — deydi Akshay Rati.

Rejissor Altlining “Askar” filmi ikki oydan so‘ng — 2-iyunda namoyish etilishi rejalashtirilgan. Rejissor Rajkumar Xirani tomonidan suratga olingan “Dunki” filmi kuzda chiqishi kerak. Shohrux Salmon Xonning “Arslon-3” filmida ham kichik epizod o‘ynadi. Shunday qilib, bu yil muxlislar kumirlarining ajoyib ijrosidan yana zavqlanishadi.