Akktrisa Gal Gadot to‘rtinchi bor ona bo‘ldi

38 yoshli isroillik aktrisa Gal Gadot 7-mart kuni to‘rtinchi qiz farzandini dunyoga keltirdi, deb yozadi People nashri. Aktrisaning turmush o‘rtog‘i — prodyuser va tadbirkor Yaron Versano bilan chaqaloqqa Ori deb ism qo‘yishdi.

 Aktrisa Instagram sahifasiga tug‘uruqxonada tushgan rasm joyladi va quyidagicha izoh qoldirdi:

Mening shirin qizalog‘im, oilamizga xush kelibsiz. Homiladorlik oson kechmadi, lekin biz buni uddaladik. Sizga ibroniy tilida “mening nurim” degan ma’noni anglatuvchi Ori ismingiz singari hayotimizga yorug‘lik olib keldingiz. Qalbimiz minnatdorlikka to‘la. Qizlarga to‘la xonadonga xush kelibsiz. Otangiz ham juda zo‘r inson.

Eslatib o‘tamiz, Gal Gadot va Yaron Versano 2008-yilda turmush qurishgan va uchta qiz farzand ko‘rishgan: 12 yoshli Alma, 6 yoshli Maya va 2 yoshli Daniella. Gal Gadot “Mo‘jizakor ayol” filmining ba’zi sahnalarida homiladorlikning beshinchi oyida suratga tushgan.