“Avatar: Suv yo‘li” filmi vizual effektlari Marvel filmlarinikidan yaxshiroqmi?

Jeyms Kemeronning ta’kidlashicha, odamlar “Avatar 2: Suv yo‘li” filmidagi maxsus effektlarni Marvel’ning “Qasoskorlar: Intiho” filmidagi effektlar bilan solishtirishi xato.  

“Shuni oldindan aytmoqchimanki, men Marvel olamini yoki "DC"ni obro‘sizlantirmayman. Men bu filmlarni yaxshi ko‘raman. Keling, shu mavzuni yopamiz. Texnologiyaning yuksalishi esa hammani birlashtirmoqda. Bu sizga yaxshiroq ijrochilar, ko‘proq vositalar, plaginlar va kodlarni beradi”, - deydi rejissyor

“WETA Digital’dagi jamoamiz eng yaxshisi sifatida tanilgan. Industrial Light & Magic Marvel uchun ajoyib ish qiladi, lekin biz yuz ifodalari bilan nima qilishimiz haqida gap ketganda, ular bizga yaqin ham kelmaydi”, - deya qo‘shimcha qiladi Kameron.