Grimda xatto oila azolari ham tanimay qolgan Yulduzlar!

Liboslar, grim va kompyuter grafikasi ba’zan shunday mo‘jizalar yaratadiki, hatto butun dunyoga mashhur yulduz aktyorlarni ham to‘g‘ridan to‘g‘ri taniy olmaydi. Ular ishtirokidagi filmni bir necha marta tomosha qilib, shundan keyingina asosiy rolni Kianu Rivz, Vinsen Kassel yoki Teylor Svift o‘ynaganini bilib olish mumkin.

1) Rouz Makgouen – mushuk kiyimidagi ofitsiant (“Maymun suyagi”)

Ushbu film muvaffaqiyatga erishmadi, uni ko‘pchilik har doim “Maftunkor” filmidagi Peyj bilan bog‘laydi. Tanqidchilar ushbu komediya haqida juda ko‘p salbiy fikrlar bildirdi. Shunga qaramay, Rouz ijobiy his-tuyg‘ularni uyg‘ota oldi, uning xarakteri tomoshabinlarga zavq keltirdi.

2) Kianu Rivz – It-bola (“Xunuklar”)

Bu Gollivud aktyorining birinchi roli emas, lekin, shubhasiz, eng g‘ayrioddiylaridan biri. Rivz bu yerda aqldan ozgan olimning qo‘lida yashovchi yirtqich hayvonlardan birini o‘ynadi. Ushbu rol uchun Kianu 1 million dollar oldi, garchi u ishtirokchilar ro‘yxatida mavjud bo‘lmasa ham.

3) Rayan Reynolds – Dedpul (“Noma’lum odamlar. Ibtido. Rosomaxa”)

Rayan Reynolds har doim Dedpul rolini orzu qilgan. Shu sababli aktyor bu personaj “Noma’lum odamlar” ssenariysida e’lon qilinganini bilgach, u rolni unga berishni iltimos qilib, darhol kino ijodkorlariga murojaat qildi.

4) Teylor Svift – mushuk (“Mushuklar”)

Filmdagi mashhur ijrochining roli unchalik katta emas, shunga qaramay, uning tashqi ko‘rinishi juda esda qolarli. Film kassasi unchalik yaxshi bo‘lmasa-da, Teylor Svift “bu g‘alati film”da suratga tushish tajribasidan afsusda emasligini tan oldi.

5) Vensan Kassel – Maxluq, (“Sohibjamol va Maxluq”)

Bu filmda ham barcha filmlarida bo‘lgani kabi rejissor Kristof Gan vizual dizaynga katta e’tibor bergan. Shuning uchun maxsus niqob yaratishga jiddiy kirishildi. Avvaliga u qo‘lda mashaqqatli tarzda yaratilgan, keyin esa raqamli texnologiya yordamida Kasselning yuziga surtilgan.

6) Jonni Depp – eksantrik leytenant (“Tun bo‘lguncha”)

Jonni Depp g‘ayrioddiy o‘zgarishlar ustasi. Ammo bu asl rolni kam odam eslay oladi. Umuman olganda, Depp bu yerda harbiy ofitser rolini o‘ynagan. U ayol qahramon kiyimida qamoqxonaga kirishi va u yerda bo‘lgan kubalik yozuvchi Reynaldo Arenasning so‘nggi romanini olib chiqishi kerak bo‘lgan.

7) Jillian Anderson – omadsiz aktrisa (“Sirli xonadon”)

Aktrisaning grimi unchalik murakkab ko‘rinmasa-da, tomoshabinlar o‘zlarining sevimli aktrisasini darhol tanimadi. Anderson filmdagi eng esda qolarli qahramonlardan biriga aylandi. Tanqidchilar ham, tomoshabinlar ham uning ijrosini ishonchli deb topishdi.

8) Gay Pirs – tadbirkor chol (“Prometey”)

Rejissor dastlab o‘sha paytda 83 yoshda bo‘lgan Maks fon Syudovni taklif qilmoqchi edi. Ammo filmda qahramon yoshligi ko‘rsatilgan sahna rejalashtirilgan. Shu sababli Gay Pirs rolga chaqirildi, garchi keyinchalik xuddi shu epizod ssenariydan olib tashlangan bo‘lsa ham.

9) Mila Kunis – Teodora (“Buyuk va dahshatli Oz”)

2011-yilda aktrisa “Buyuk va dahshatli Oz” filmida yovuz jodugar rolini o‘ynadi. U birdaniga 2 ta obrazda harakat qilishi kerak edi. Teodoraga aylanish uchun unga murakkab grim qilindi.

10) Xaver Bardem – kiberjinoyatchi (“007: Skayfoll koordinatalari”)

Kasting boshida Xaver Bardem rejissor Sem Mendesga o‘z qahramonining tashqi ko‘rinishini, ayniqsa, soch va ko‘z rangini o‘zgartirmoqchi ekanligini aytadi. Bardem suratga olishning birinchi kunida grimda suratga olish maydonchasiga chiqqanida, uni hech kim tanimadi. Aytgancha, aktyorning sariq sochlari parik. Tasvir uchun soxta jag‘ ham ishlatilgan.

11) Ledi Gaga – nufuzli italyan Patrisiya Rejani (“Guchchi uyi”)

Filmda Ledi Gaga o‘z hayotini Guchchi uyi merosxo‘ri Mauritsio bilan bog‘lagan oddiy nasldan bo‘lgan qiz Patrisiya Rejani rolini o‘ynadi. Ledi Gaga suratga tushishga jiddiy tayyorgarlik ko‘rdi: 6 oy davomida u italyancha talaffuz bilan gapirdi, Patrisiyaning barcha tasvirlarini sinab ko‘rdi. Ko‘pgina kinotanqidchilari uning obrazini muvaffaqiyatli bo‘lganini ta’kidladi.

12) Devid Tyulis – Ares (“Mo‘jizakor ayol”)

Film rejissori Petti Jenkinsning so‘zlariga ko‘ra, u kartinaning eng yuqori nuqtasini bunday tasavvur qilmagan. Garri Potter filmlari seriyasidagi professor Lyupin rolidan barcha eslab qolgan Devid Tyulis dahshatli niqob kiyishi kerak emas edi. Biroq Warner Bros. obraz aynan shunday bo‘lishini ta’kidlagan.