Leonardo Di Kaprio "Kalmar o'yini" serialida?

Gollivud aktyori Leonardo Di Kaprio “Kalmar o‘yini” teleshousining uchinchi faslini suratga olish uchun taklif qilinishi mumkin”, - deydi rejissyor Xvan Dong Xyuk  Seulda bo‘lib o‘tgan matbuot anjumanida.

Netflix “Emmi” mukofotini nishonlash uchun Seulda matbuot anjumani o‘tkazdi. Tadbir davomida rejissyordan bironta mashhur Gollivud aktyori ikkinchi mavsumda rol o‘ynashi mumkinmi, degan savol berildi.

“2-mavsumda birorta mashhur Gollivud aktyori ishtirok etmaydi. Bu rejada yo‘q, lekin sahna o‘zgarsa, ehtimol uchinchi mavsumda Leonardo Di Kaprio taklif qilinishi mumkin. Di Kaprio “Kalmar o‘yini”ning ashaddiy muxlisi, shuning uchun vaqt yoki imkoniyat bo‘lsa, biz uni o‘yinlarga qo‘shilishini so‘rashimiz mumkin”.

Xvang ikkinchi mavsum uchun suratga olish ishlari 2023-yilda boshlanishini, 2024-yilda chiqishini tasdiqladi.