“Ustasi farang o‘g‘rilar 3” filmining premyera sanasi ma’lum bo‘ldi

Xorijiy manbalarda ushbu filmning uzoq kutilgan premyerasi kelasi yili bo‘lib o‘tishi haqida xabarlar paydo bo‘ldi.

Film ijodkorlarining xabar berishicha, tomoshabinlar filmni 2025-yil 14-noyabrda tomosha qilishlari mumkin. Film rejissyori Rubin Fleysher loyihaning syujeti haqida hozircha ma’lumot bermadi.

Ammo oldingi qismlarda bosh rollarni ijro etganlar filmning keyingi qismida ham qatnashadi. Ular orasida Jessi Eyzenberg, Isla Fisher, Rosamund Pike va boshqalar bor. Aktyorlar safiga yangi ijodkorlar ham qo‘shiladi.

Eslatib o‘tamiz, birinchi film 2013-yilda, ikkinchi qismi esa 2016-yilda ekran yuzini ko‘rgan edi.