"Wednesday" seriali yulduzini endi ko'rmaymizmi?

Serial yulduzi Persi Xayns Uayt jinsiy zo'ravonlikda ayblanmoqda.

Uni tanigan qizning aytishicha, u kollejda o‘qib yurgan kezlari uni va uning qiz do‘stlarini noqonuniy giyohvand moddalar  iste’mol qilishga undagan, shahvoniy xarakterdagi suratlarni yuborgan, tahqirlagan, keyin esa u bilan yaqin munosabatlarga kirishishni taklif qilgan.

Yana bir foydalanuvchi “Persini bekor qil” xeshtegini ko‘tarib, aktyor uni yerto‘lasida zo‘rlagani, keyin esa politsiyaga xabar bermaslikni so‘rab qo‘ng‘iroq qilganini yozgan.

"Wednesday" seriali muhlislari bu voqealardan so'ng Persini serialdan olib tashlashni talab qilishmoqda.

Aktyorning o‘zi hozircha bu iddaolarga izoh bermagan va barcha ijtimoiy tarmoqlarida izohlarni o‘chirib qo‘ygan. Ko'rinishidan, Netflix hali bir qarorga kelmagan, katta ehtimol bilan serialning ikkinchi mavsumida biz aktyorni ko'rishimiz dargumon.