Tom Kruz film suratga olinish jarayonida muammoga duch keldi

Svalbard gubernatori Lars Fauz Tom Kruz jamoasiga “Uddalab bo‘lmas topshiriq” filmini suratga olish uchun kerak bo‘lgan arxipelagga vertolyot qo‘nishi uchun ruxsat bermadi. 

Kruz Svalbardda filmning bir nechta sahnalarini suratga olishni rejalashtirgan. Ishlab chiqaruvchilar Norvegiya rasmiylaridan 30 ta vertolyot qo‘nishga ruxsat so‘rashgan.

Gubernator bergan rad javobini mahalliy tabiatni buzishni istamasligi bilan izohladi.  “Arxipelagda sayohat odamlar yoki hayvonlarga ortiqcha noqulaylik tug‘dirmaydigan tarzda amalga oshirilishi kerak”, dedi departament.

Bosh rolni Tom Kruz ijro etgan “Uddalab bo‘lmas topshiriq” filmining yangi qismi 2023-yilda muxlislarga taqdim qilinadi.