“Uddalab bo‘lmas topshiriq” kinokartinasining yettinchi qismi butun dunyo bo‘ylab bir haftada 235 million dollar ishlab topdi.
Tom Kruz ishtirokidagi jangovar film Shimoliy Amerikada 80 million dollar va xalqaro miqyosda 155 million dollar daromad to‘pladi. Filmning budjeti marketingni hisobga olmaganda 300 million dollarni tashkil etdi. Kinokartina aslida 2021-yilda chiqarilishi kerak edi, biroq COVID-19 cheklovlari tufayli loyihani suratga olish jarayonlari kechiktirildi.
Shuningdek, filmda Tom Kruzdan tashqari Xeyli Etvell, Rebekka Fergyuson, Pom Klementef, Ving Reymz, Saymon Pegg, Vanessa Kirbi va boshqa mashhur aktyorlar rol o‘ynagan. Filmning rejissori va ssenariy muallifi “Oskar” mukofoti sovrindori — Kristofer Makkuarri (“Shubhali shaxslar” filmini suratga olgan).
Shu bilan birga, Disney’ning ikkita loyihasi — “Indiana Jons va taqdir g‘ildiragi”, Pixar studiyasining “Elemental” multfilmi bu haftada 300 million dollardan ortiq daromad to‘pladi.
Tasodifiy xabarlar
Mehribonlik turlari filmidan yangi rasmiy treylerni tomosha qiling
"O'yinchilar" Netflix' dan yangi romantik komediya film treyleri
Klassik multfilmlarni yangi qismlarini ko'ramizmi?
Tom va Jerri multfilimining Osiyo variyantini tomosha qilamiz
Eng yaxshi zo'r "Fantastik filmlar" Top 10 (Video)
"Pingvin" spinn-off serialidan yangi rasmiy treyler